კობიძეების მარანი

დააგემოვნეთ 20 უძველესი გურული ჯიშისგან შექმნილი ნატურალური ღვინოები იქ, სადაც 150 წლის ჩხავერი დღემდე ხარობს და უნიკალურ მოსავალს იძლევა. სოფელ ერკეთში „კობიძეების მარანი“ მრავალსაუკუნოვანი მევენახეობის ტრადიციას აგრძელებს. ეს არის სივრცე, სადაც ეკოლოგიურად სუფთა გარემოში 20 უძველესი გურული ვაზის ჯიში ხარობს. სტუმრებს შესაძლებლობა აქვთ, დააგემოვნონ 7 სხვადასხვა დასახელების ეკოლოგიურად სუფთა ღვინო და ჭაჭა, მიირთვან ადგილობრივი კერძები და მოისმინონ დიდი ბაბუის მიერ 150 წლის წინ დარგული ვაზის ისტორია, რომელიც დღესაც უმაღლესი ხარისხის მოსავალს იძლევა.

რას შემოგთავაზებთ

• 20 უძველესი გურული ჯიშისგან წარმოებული 7 დასახელების ბუნებრივი ღვინის დეგუსტაცია.
• ტრადიციული ტექნოლოგიით გამოხდილი ჭაჭის არყის დაგემოვნება.
• ადგილობრივი, ნატურალური პროდუქტებით მომზადებული გურული კერძების დაგემოვნება.
• ტრადიციული კერძების მომზადების მასტერკლასს.
• 150 წლის წინ დარგული ჩხავერის ვაზისა და საოჯახო მეღვინეობის ისტორიის გაცნობა.
• რთველში და ღვინის დაწურვაში მონაწილეობის მიღება.
• მშვიდ და ეკოლოგიურად სუფთა გარემოში დასვენების და ადგილობრივი კულტურის გაცნობის შესაძლებლობა.

რატომ არის ეს ადგილი განსაკუთრებული

„კობიძეების მარნის“ მთავარი ღირებულება იშვიათ მრავალფეროვნებასა და ისტორიულ უწყვეტობაშია. ვენახში ხარობს 20 უძველესი გურული ვაზის ჯიში, რაც რეგიონის ღვინის კულტურის სრულყოფილ სურათს ქმნის. განსაკუთრებულ ემოციას იწვევს ეზოში შემონახული, დიდი ბაბუის მიერ 150 წლის წინ დარგული ჩხავერი, რომელიც დღემდე მაღალი ხარისხის მოსავალს იძლევა. საქმიანობა სრულად ეფუძნება ეკო-მეგობრულ პრინციპებს - ვენახის მოვლისას არ გამოიყენება ქიმიური პრეპარატები. სწორედ ამიტომ, მარანი „ბუნებრივი ღვინის ასოციაციის“ წევრია. აქ მოსული სტუმარი იღებს სუფთა, ნატურალურ გემოებსა და ცოდნას იმის შესახებ, თუ როგორ გრძელდება საუკუნოვანი ტრადიცია თანამედროვეობაში.

ატმოსფერო

მყუდრო და მეგობრული საოჯახო გარემო, სადაც ისტორიული ვაზის ჩრდილში სუფთა, ნატურალური გემოები იქმნება.