„ბაბას მარანში“ სტუმრობა განსაკუთრებული პროცესია, რომელიც პირდაპირ ოჯახურ გარემოს გაზიარებით იწყება. აქ მოსულ სტუმარს მასპინძლები უშუალოდ ხვდებიან და აცნობენ ღვინის დაყენების იმ საოჯახო ტრადიციას, რასაც წლებია ერთგულად ინახავენ. დეგუსტაციის პროცესი მარანში ინაცვლებს, სადაც მთავარი, ღვინის დეგუსტაციის პროცესი იწყება. ტურის მიმდინარეობისას გაეცნობით ბუნებრივი ღვინის გემოვნურ თვისებებს, რომელსაც სურვილის შემთხვევაში ადგილობრივი ჩირეული ან სრული კვება ემატება. ბაბას მარანში სტუმრობისას, შესაძლებლობა გაქვთ სიმშვიდეში, ზედმეტი ხმაურის გარეშე დატკბეთ კარგი ღვინით, ისაუბროთ მასპინძელთან და სურვილის შემთხვევაში, ფეხით გაისეირნოთ სოფლის წყნარ ბუნებაში. დრო აქ მშვიდად გადის და გიტოვებთ სითბოს, რომელიც მხოლოდ გულწრფელი ოჯახური გარემოსთვისაა დამახასიათებელი.
რას შემოგთავაზებთ
- ადგილობრივი, ნატურალური, ბუნებრივი ღვინის დეგუსტაცია.
- ოჯახური ტრადიციით შექმნილი გარემოსა და მარნის გაცნობა.
- ღვინოსთან შეხამებული ჩირეულის ან სრულფასოვანი კვების დაგემოვნება.
- სოფელ გორაბერეჟოულის ბუნებაში ფეხით, გასეირნება და ადგილობრივი ისტორიის გაცნობა.
- ვიზიტი ერისთავების სასახლესა და პარკში
რატომ არის ეს ადგილი განსაკუთრებული
„ბაბას მარნის“ მთავარი ხიბლი მის სიმარტივესა და ავთენტურ გემოვნურ თვისებებშია. აქ ყველაფერი ორიენტირებულია იმაზე, რომ სტუმარმა შეიგრძნოს ღვინის ნამდვილი, ბუნებრივი ხასიათი. მარანი არის ბუნებრივი ღვინის ასოციაციის წევრი, რაც ხაზს უსვამს მათ ეკო-მეგობრულ და სუფთა მიდგომას მევენახეობა-მეღვინეობის მიმართ. ეს არის ადგილი, სადაც ოჯახი თავის ყოველდღიურობას, გამოცდილებას და ისტორიას გიზიარებთ. ადგილმდებარეობა გორაბერეჟოულში კიდევ უფრო ამდიდრებს გამოცდილებას, რადგან ღვინის დაგემოვნებასთან ერთად, სტუმარი გურიის ერთ-ერთი ყველაზე საინტერესო სოფლის სიმშვიდესაც აღმოაჩენს.
ატმოსფერო
მშვიდი და უშუალო საოჯახო გარემო. აქ შესვლისთანავე იგრძნობა სითბო, სადაც კარგი ღვინის სურნელი და გულწრფელი საუბრები ერთმანეთს ავსებს.
საუკეთესო დრო ვიზიტისთვის
გაზაფხული და შემოდგომა, როდესაც ბუნება განსაკუთრებით ლამაზია, ტემპერატურა კი იდეალურია როგორც ღვინის დეგუსტაციისთვის, ისე სოფელში ფეხით სასეირნოდ.